Kanpaina hobeto ezagutu

2023-2024 kanpainaren helburuak: “munduan, nonbait…”

1. Proposatutako jardueren bidez ezagutarazten diren Itaka-Escolapios sareak bultzatutako zortzi proiektuen hezkuntza-, pastoraltza- eta eraldatze-lana ezagutzea eta babestea.
2. Munduko hainbat proiektu eta herrialdetan eskolapioen misioaren bultzadaz arduratzea, eta ekonomikoki laguntzea, bideragarritasuna eta iraunkortasuna ahalbidetzen duen gastu arruntaren zati batetaz arduratuz.
3. Eskolapioen izaera-eraldatzailea hazi eta garatzeko bideak bultzatzea, EDUCA SAREAN parte hartuz, gizarte-eraldaketarako ikastetxeen laguntza- eta konexio-sare gisa.
4. Gure hezkuntza-proposamenean gizartearen eraldaketa sustatzen duten estrategiak integratzea, Hezkuntza Itun Globalaren ildotik, bereziki, Ikaskuntza-Zerbitzuko proiektuen bidez.

Sakatu hemen bideoko testurako.

“Munduan, nonbait…” kanpainaren helburu solidarioa

Itaka-Escolapios sareak hasieratik babestu izan du eskolapioen misioa munduko leku ezberdinetan. Zehazki, azken urteotan elkartasun-kanpainetan parte hartu duzuenok hainbat lan eta proiektuetan lagundu duzue, hezkuntza, pastoral eta ekonomia aldetik, Amerikan, Afrikan, Asian eta Europan eskolapioen presentzia dagoen 16 herrialde baino gehiagotan.

Urte osoan zehar, “Munduan, nonbait…” kanpainan biltzen den dirua, aurreko urteetako proiektuei jarraipena ematea ahalbidetuko dute, Hezkuntza Formal zein Ez Formaleko obra eta proiektu eskolapioak mantenduz. Hau da, zure laguntzarekin, eskolapioen misioaren iraunkortasuna bultzatu ahal izango duzu, gizartean aldaketak lortzeko hezten jarrai dezagun, mundu justuago, anaikor eta gizatiarrago bat lortzearen helburuarekin.

Calasanzen tripulazioan, Marine, Sukal, Bla, Quisap, Elykia eta Esengo bezalako aurpegi ezagunak egongo dira, eta Itaka-Escolapios nazioarteko sareko zortzi proiektu oso ezberdinetara eramango gaituzte. Eskolapioek Bolivian, Kamerunen, Kuban, Espainian, Mozambiken eta Venezuelan aurkitu duten errealitateari erantzuna ematen dioten proiektuak.

BLArekin, txikienek komunikazio eta gizarte-sentsibilizazioaren garrantzia landuko dute, Cocapatako barnetegi eta Espainiako Pertsona migratzaileak hartzeko programa bezalako proiektuen bidez.

Elykiak eta Esengok haurren eskubideen ezagutza eta hauek errespetatzearen garrantzia aurkeztuko dute, Madrilgo eta Guanabacoako gizarte eta hezkuntza zentroetan gertatzen den bezala.

Sukalek elikagaiak alferrik galtzeaz eta horren ondorioez hausnartzen lagunduko digu, eta Kikonka eta Kinshasako eskola-jantokien esperientziara hurbilduko gaitu.

Quisap-ek gure ingurumenaren zaintzaren inguruko kezkari eusten dio, eta horregatik ondo ezagutzen du Calasanz Kideak-en ingurumen-hezkuntzarako proposamena.

Azkenik, Marinek justizia sozialaren bila, gure eskola-presentzia batzuetan ekonomia berritzeko lan egiten duten proiektu berriak ezagutuko ditu, hala nola, Minenehueko nekazaritza eta pastoraltza programa, edo Valentziako lan-ekintzailetza proiektua.

 Hemendik aurrera proiektu hauetara hurbildu zaitezke, jarduera bakoitzean proposatzen dugun lanaren bidez, edo bere fitxetan jasotako informazio guztia aztertuz:

1. Fitxa: Cocapatako barnetegia (Bolivia).
2. Fitxa: Pertsona migratzaileen harrera (Espainiako hainbat egoitza).
3. Fitxa: Guanabacoako gizarte eta hezkuntza zentroa (Cuba).
4. Fitxa: Madrilgo gizarte eta hezkuntza zentroa (Espainia).
5. Fitxa: Kamerun  eskola-jantokiak.
6. Fitxa: Ingurumen hezkuntza Calasanz Kideak-en (Espainia).
7. Fitxa: Nekazaritza eta pastoraltza proiektua Minenehuen (Mozambike).
8. Fitxa: Lan-ekintzailetza proiektua Valentzian (Venezuela).