Munduan Nonbait… Metodologia

Beste urte batez, ongi etorri gure webgunera eta mila esker hemendik aurrera zuen zentroan Elkartasun Kanpaina aurrera eramateko egingo duzuen lanarengatik: “Munduan, nonbait…”.

Urtero legez, lan egiteko estilo ezberdinetara egokitzen den kanpaina proposatzen dugu, lau kontinenteetan zehar Itaka-Escolapios sarearen bidez eskolapioen misioa bultzatzen dugun proiektu eta presentzia bakoitzean bere garapena erraztuz.

Ikasturte honetan, Elkartasun Kanpainaren helburuak eta zuen hobekuntza-proposamenak entzun ondoren, ikuspegi berri bat planteatzen dugu, aurkezten diren proiektuetan eta misio bakoitzari izena ematen dion gaian hobeto sakontzen lagun dezakeena. Ikaskuntza eta Zerbitzuko ikasgelarako proiektu interdiziplinar errazak proposatzen dira. Hauekin, curriculum-ikasketen emaitza osatuagoa bilatzen da, ikasitako guztia praktikan jarri eta gizartea nolabait hobetzeko asmoz.

Proposatzen diren bost misioak adin-tarteen arabera banatu dira. Beraz, horietako bakoitzean, bai ikasgelan, bai Calasanz Kideak-en, eskola-proiektu bati edo biri lotutako gai bakar bat landuko dute, laburpen-taula honetan adierazten den bezala:

Ez ditugu ahaztu gainontzeko taldeak (Elkarren arteko misio taldea, Klaustroak eta Fraternitateko Komunitateak), misio bakoitzean beraiei zuzendutako proposamen espezifikoak baitituzte.

Ezta Hezkuntza Itun Globalaren eraikuntza bultzatzen jarraitzeko konpromisoa ere, diseinatutako jardueren bidez, Haurren Eskubideak edo gure gizartearen ekonomia eta politika behar bezala berritzeari buruzko hausnarketak landuko baitira. Aita Santuak bere proposamenean aipatzen dizkigun erronketako bi.

Gogoratu, Elkartasun Kanpaina ondo prestatzeko eskaintzen dizkizugun baliabide guztiak ezagutzea garrantzitsua dela: Calasanz Kideak-eko jarduerak, Ikaskuntza eta Zerbitzuko proiektuak(IeZ), eskolapioekin lotutako gainerako pertsonekin lan egiteko jarduerak, bideoak, abestiak, proiektuen fitxak, etab. Calasanz buru duen Itaka-Escolapios tripulazioarekin batera nabigatzera eta proposamen guztiak ezagutzera gonbidatzen zaituztegu.

Amaitzeko, kontuan izan zuen esperientzia funtsezkoa dela urtetik urtera hobetzeko. Horregatik eskatzen dizuegu, hemengoak ez diren jarduerak sortzen badituzu, mesedez parteka ditzazuela, argitaratu eta beste zentro batzuei inspiratu eta pixkanaka gure sarea hazten jarrai dezan.

Bidali zure ekarpenak eta/ edo iruzkinak educa@itakaescolapios.org. helbidera.

Animo eta mila esker aldez aurretik, zuen lan eta ilusioarengatik.

Has dadila abentura!