“Gizaki guztiek hezkuntzarako eskubidea daukate”. Horrelaxe hasten da Giza Eskubideei buruzko Adierazpen Unibertsalaren 26. artikulua. Artikulu horren arabera, pertsona bakoitzak hezkuntza jasotzeko eskubidea dauka, eta hezkuntza hori eskuragarria (hezkuntzaren beraren lorpenean, edonolako bereizkeria desagerrarazteko), erabilgarria (doakoa), onargarria (kalitatekoa) eta egokigarria (ikasle bakoitzaren araberakoa) izan behar da. Hezkuntza baliabide nagusia da, gizaki guztiek euren gaitasunak, trebetasunak garatu eta gizartean bete-betean parte hartu dezaten. Hori dela eta, eskubide “atea” da: gainerako eskubide guztiak eskuratzeko atea da (esate baterako, osasunerako eskubidea edo lanerako eskubidea). Gainera, ezinbestekoa ere bada, txirotasunari zein desberdintasunari aurre egiteko orduan, garapen jasangarria lortzeko orduan…