Txikitatik, ohituta gaude betiko ipuinak entzutera, horietan dauden xehetasunetan pentsatu gabe, hala nola, ipuin horietako protagonista diren neska eta mutilen eta gizon eta emakumeen inguruan hitz egiten den moduan: Printzeak beti dira ausartak eta eurekin erabat maitemintzen diren printzesak salbatzen dituzte. Emakumeak berritsuak eta sentiberak dira; gizonak, ordea, indartsuak eta ederrak...  

Suposatzen dugu horietako askok izan dezaketela azken ikasgai edo ikasgai bat, gure bizitzetan erabil dezakeguna; dena den, ez gara konturatzen generoaren araberako tratamendu hori entzuleek ere bereganatzen dutela, haiengan jokabide ereduak eta estereotipoak ezarriz. Zorionez, gaur egungo ipuinak era askotakoak dira eta aukera eta pertsonaien izaera gehiago eskaintzen dituzte. Hala ere, ez dugu ahaztu behar estereotipo horiek mantentzen dituzten ipuinak kontatzen jarraitzen dugula.  

Jarduera honen helburua da ikasleek ipuinak irakurriz estereotipo horiez ohartzea eta berrirakurketa bat egitea, emakumezko eta gizonezko pertsonaien artean egiazko berdintasuna adierazteko proposamenak eginez.  

Ondorengo ipuinetako bat irakurtzea proposatzen dugu, hasiera batean ikasleei hezkidetza eta berdintasuna landuko dugulako informaziorik eman gabe: 

• • • • Errauskine 
      • Edurnezuri 
      • Loti ederra 

Klasea hainbat taldetan banatuko da, talde bakoitzak ipuinetako bat irakurri eta galdera hauei erantzuteko: 

• • Zein dira ipuineko pertsonaiak? Nolako izaera du bakoitzak? 
  • Zerk eman dizu atentzioa istorioko protagonistei eta bigarren mailako beste pertsonaiei dagokienez? 
  • Gizonezkoen eta emakumezkoen pertsonaiak alderatuz, ezaugarri eta gaitasun berdinak al dituzte?
  • Haien rolak trukatu al daitezke? Trukatzekotan, egongo litzateke egokitu ez litzatekeen zerbait? 

 Ondoren, eman dituzten erantzunetatik abiatuta eta adierazi ez dituzten beste batzuk nabarmenduz, hausnarketa parte-hartzaile bat egingo dute eta adieraziko dute zer iruditu zaizkien emakume eta gizonei emandako paperak, estereotipo horiez aurretik ohartu ziren edo horiez konturatzen diren lehen aldia den eta generoaren arabera estereotipatu gabeko ezaugarriak dituzten pertsonaiak behar diren. 

 Hausnarketa honen ostean, ipuina berrirakurtzea eta euren erara birsortzea proposatzen dugu, oraingoan gizonen eta emakumeen arteko egiazko berdintasuna kontuan hartuta. Jarduera hori osatzeko, ikasleek berriro egindako ipuina editatu dezakete eta ilustrazioak eta xehetasunak gehitu. Nahi izanez gero, ikastetxeko liburutegira ere eraman dezakete, gainerako ikasleek euren bertsioa irakurri ahal izateko. 

 Jarduerarekin amaitzeko, bideo hau ikus dezakete: 

 #PorSiempreJamás, el cuento de siempre como nunca lo habías imaginado (2017) - YouTube 

La presente actividad está propuesta en el marco de la campaña de solidaridad 2021-2022: