Irakasleek ikasleak motibatuko dituzte kultura aniztasunaren aberastasunaren inguruan.

Irakasleek jarduera hori lotuko dute eskolapioen elkartasun kanpainaren bilketa lanekin.

Ikasleek ikerketa bat egingo dute, Itaka-Eskolapioen sareko hezkuntza-zentroak dauden herrialde anitzetako kulturak ezagutzeko: Bolivia, Kamerun, Gabon, India, Mozambike, Kongoko Errepublika Demokratikoa, Senegal eta Venezuela.

Ikasleak taldetan banatuko dira herrialde horietako kulturak ikertzeko eta horien inguruko aurkezpenak egiteko.

Aurkezpenak prestatzeko, kultura bakoitzaren ezaugarriak hodeietan biltzen dituen eranskina bete dezakete. Hodeiak elkartzen diren puntuetan kulturek komunean dituzten ezaugarriak biltzen dira.

Behin kultura bakoitzaren aurkezpena prestatuta, talde osoak edo taldearen ordezkariak aurkezpena egingo du ikastetxeko ikasle gazteenen aurrean.

Aurkezpena egiteko, mintzagai den kulturari jarraiki karakterizatu daitezke aurkezleak.

Asteko egun bakoitzean aurkezpen bat egin daiteke; horrela, Itaka-Eskolapioen sareko hezkuntza-zentroak dauden herrialdeetako kultura guztiak ezagutarazi daitezke egun gutxi batzuetan.

Jarduera hau 2021-2022 elkartasun-kanpainaren esparruan proposatu da: