Itaka Escolapios Itaka Escolapios

Metodologia

METODOLOGIA:  ELKARREKIN ERALDATZEKO BIDEA

Ospatzeko garaia da! Itaka-Escolapiosen 25. urteurrenean, gure hezkuntza proposamena txoko guztietara iristea nahi dugu. “25 urte sustraiak zabaltzen” kanpaina ez da jarduera islatu bat, bai horixe! Indarrak batzeko ibilbide oso bat baizik: ikasgeletatik hasi (zerbitzurako ikaskuntzarekin) eta aisialdiko taldeetaraino iritsiz (Calasanz kideak), baita helduak ere.

Ondorengo lerroetan ikasturte honetan izango dugun plana azalduko dizuegu:

1. ESKOLAN: LAGUNTZEAREKIN IKASTEN DUGU (IeZ)

Ideia erraza da: ikasgelan ikasten duguna gure errealarekin konektatzea. Adin bakoitzak bere eginkizuna izango du bere inguruan laguntzeko, ikasten duen bitartean.

  • Haur Hezkuntza (3-5 urte): “Mundua elikatzen”. Goazen osasuntsu jatera! Ohitura osasungarriak landuko ditugu hemen. Haurrek Kamerunen eta Venezuelan ditugun jangelak ezagutuko dituzte, eta “enbaxadore txiki” bihurtuko dira. Eta zein izango da amaiera handia? Ekitaldi bat antolatuko dute beren familiei modu justu eta solidarioan jaten ikasteko.
  • Lehen Hezkuntzako 1. zikloa (6-8 urte): “Nire etxea, zure etxea”. Hemen harreraz hitz egitea tokatzen da. Familien aniztasuna eta migrazioa landuko ditugu, gure harrera etxeen sarearekin lotuz. Haurrek ipuinak eta materialak sortuko dituzte aurreiritziak hausteko eta guztiak etxean bezala sentiarazteko.
  • Lehen Hezkuntzako 2.zikloa (8-10 urte): “Ikastetxeen arteko anaitasuna”.   Lagunak egingo ditugu munduaren beste aldean! Hezkuntzarako eskubidea landuko dugu, beste kontinenteetako eskolapioekin benetan konektatuz. Gutunak, bideo-deiak eta baita joko-liburu partekatu bat ere, munduan bestaldean egonda ere, gure ikaskide direla sentituz.
  • Lehen Hezkuntzako 3.zikloa (10-12 urte): “Ateak irekiko dituzten hitzak”. Hezkuntza funtsezkoa da. Ikasleek tresna guztiz erabilgarriak diseinatuko dituzte – hala nola oinarrizko hiztegiak edo piktogramak – alfabetatze programei laguntzeko eta auzoko migratzaileak integratuta senti daitezen errazteko.
  • DBH (12-15 urte): “Etorkizuna eraikiz”. Influencer jatorrak izatea tokatzen zaizue! Gazteak komunikazio agentzia gisa jardungo dute: Zaurgarritasuna zergatik ematen den aztertuko dute, eta sare sozialetan kanpaina profesionalak abiaraziko dituzte, gure gizarte eta hezkuntza zentroei laguntzeko.
  • Batxilergoa (15-18 urte): “Aldaketa eragileak”. Boluntariotza boterea da. Gizarte mugimenduek historia nola aldatzen duten ikertuko dugu, eta jende gehiago boluntario izatera animatzeko estrategiak diseinatuko ditugu. Lidergotza martxan!

2.  CALASANZ KIDEAK taldean

Eta pastoraltzako taldeentzat, “Zure sustraia” lelopean, dinamika ezberdinak aurkeztuko ditugu nortzuk garen eta gure zerbitzatzeko gogoa sakontzeko.

  • 3-5 urte: “Jesus da Zure Sustraia”. “Adiskidetasunaren Zuhaitza” rekin, txikienek ikusiko dute Jesus dela indarra ematen digun sustrai hori, eta gure maitasun keinuak fruituak direla.
  • 6-8 urte: “Misioaren mapa”. Esploratzera! Mapan gure “zerbitzu aztarna” bilatuko dugu, eta ikusiko dugu gure ekintza txikiek mundu osoko eskolapioen etxeekin nola konektatzen duten.
  • 8-10 urte: “Calasanzen iparrorratza”. Bilaketa-jolas dibertigarria. Misio hau Jesusengan hasten den abentura bat dela konturatuko gara, eta bidean zehar, besteei laguntzen die, gure 25 urteko historia zeharkatuz.
  • 10-12 urte: “Sarean josiz”. Koloreetako hariak erabiliko ditugu fedea eta kultura (Piedad y Letras) nola elkartzen diren ikusteko. Sare erraldoi bat osatuko dugu denon artean, elkarrekin indartsuagoak garela ikusteko!
  • 12-15 urte: “Sismografo soziala”. Sismografo batek lurrikarak detektatzen dituen bezala, guk bidegabekeriak detektatuko ditugu. Ikusiko dugu nola gure baloreek laguntzen diguten indarrez eta konpromisoz erantzuten.
  • 15-18 urte: “Bokazioaren arkitektoa” Ispiluari begiratzeko unea. Azterketa pertsonal batekin (FODA), gure etorkizunean eta Itaka-Escolapios-el gure bizi proiektuaren parte nola izan daitekeen pentsatuko dugu.

3. ETA HELDUENTZAKO…

25 urte betetzen ditugun honetan momentu ezin hobea izan daiteke aurrerapauso bat emateko. Taldeentzat, irakasleentzat, familientzat eta anaitasunentzat, “Calasanzen aztarnez beteriko 25 urte”.

Teoriatik ekintzara pasa nahi dugu dinamika sakonak proposatuz:

  • “Iparrorratz karismatikoa”: Bihotza (zerbitzua) eta burua (prestakuntza) nola orekatu ikasteko tailerra, gure proiektuek benetan eralda dezaten beharrezkoa izango den oreka.
  • “Ni-gandik Gu-ra”: “Zenbat inplikatzen naiz ni?” pentsatzen hasteko unea, konpromiso iraunkorrago eta partekatuago baterantz nola egin dezakegun aurrera ikusteko.

Bokazio guzti hau eusten duen “sustrai” hori berritzera animatzen zaituztegu!